Sacris sollemniis juncta sint gaudia et
Source:
Folio:
097v
Sequence:
2
Office:
V
Genre:
Cantus ID:
830301
Feast:
Mode:
2
Full text:
Sacris sollemniis juncta sint gaudia et ex praecordiis sonent praeconia recedant vetera nova sint omnia corda voces et opera | Noctis recolitur cena novissima qua Christus creditur agnum et azyma dedisse fratribus juxta legitima priscis indulta patribus | Dedit fragilibus corporis ferculum dedit et tristibus sanguinis poculum dicens accipite quod trado vasculum omnes ex eo bibite | Hoc sacrificium istud instituit cujus officium committi voluit solis presbyteris quibus sic congruit ut sumant et dent ceteris | Panis angelicus fit panis hominum dat panis caelicus figuris terminum o res mirabilis manducat dominum servus pauper et humilis | Te trina deitas unaque poscimus sic nos tu visitas sicut te colimus per rectas semitas duc nos quo tendimus ad lucem quam inhabitas amen
