Salve regina glorie emundatrix scorieimperatrix

Salve regina glorie emundatrix scorie imperatrix celica blande vox angelica te pie salutavit. <R°> Concepisti dominum salvatorem omnium et virgo permansisti. Ave plena gratia inquid cum leticia archangelus Gabriel tunc regnans Emanuel cunctorum mentes lavit. R. Valde pulchrum lylium pro salute fidelium mundo contulisti. <V.> Girum celi preteris electa pre ceteris gherubin et seraphyn invictus Benyamin honoris vas elegit. <V.> Te lunaris circulus vestivit lune globulus pedibus subicitur in te dum conficitur qui regna cuncta regit. R° Vis carnis et deitas processit vera deitas caritas eburneis a tronis. R. Merencium solacium summi regis palacium tronus Salomonis. <V.> Tu vena scaturiens vitam in te siciens humectetur roribus cunctis in odoribus vitis dulcorosa. <V.> Porta manens aurea virginalis laurea finis et exordium fer solamen cordium sine spina rosa. R° Tu germa virginea tu botrus et vinea puritatis cella. R. Corpore castissima genitrix sanctissima flagrans velud mella. <V.> O Maria florum flos supplices commenda nos mortis in exilio. <V.> Iunge tabernaculo celorum pinnaculo angelorum choreis ne dampnemur cum reis pneumatis scintilla. [R°] Pietatis mire cum dies venit ire ne sis odiosa. Extremo in examine assis pio iuvamine mater graciosa. amabundo filio mater et ancilla.