Dum iubar astris oritur ebur candoris
Source:
Folio:
310
Sequence:
1
Office:
MASS
Mode:
5
Full text:
Dum iubar astris oritur
ebur candoris colitur
paradisi stella maris
speculum virginitatis.
2.
V. Eurus spirat ab aurora
Zephyrus a noctis hora
o Maria predecora
pro nobis iugiter ora.
3.
V. Virgo pigmenti cellula
nobilis tu puellula
nitens casta sine spina
peccatorum medicina.
4.
V. Inter choros angelorum
tu splendor et lux polorum
tu radius planetarum
zelotipes que animarum.
5.
V. Dirige corda celitus
deliciosa cipressus
aromata transsuperans
odorem balsamum fragrans.
6.
V. Rosa sanctorum aurea
tu botrus es et virginea
vitis vera fructifera
nardus tu odorifera.
7.
V. Ethereis sita choris
tenens timpanum dulcoris
tripudians saltitando
sepis Christum chorisando.
8.
V. Cristifereque celibi
illibate que matri
modulemur plasmatori
amborum sacro flamine.
