Ad honorem et decorem matris domini

Ad honorem et decorem matris domini iubilemus et psallamus melos leticie. <V.> Quam beavit et ornavit deus omnium ut intraret et crearet solem iusticie. R° Hanc sanctus spiritus replet celitus obumbravit illustravit quam divinitus dum concepit non recepit semen humanitus. 2. <V.> Nil negare matri care solet filius sed paratus erit natus maternis precibus. <V.> Ergo ora omni hora rosa lilium ut det tutos nos exutos peccati fecibus. <R°> Preter te misere vivimus sine spe ergo grata advocata esto propere ne iniquo et antiquo dampnemur opere. 3. <V.> Tu sanctorum angelorum exultacio dum te vident semper rident delectabilius. <V.> Tu perata et ornata virgo virginum quam purgavit et ornavit excelsi filius. <R°> Audi nos florum flos omnis dulcoris ros supplicantem te laudantem salva <populum> ne dampnemur sed letemur tecum in secula.