Cuncti nunc assurgentes verbigenam collaudantes corde

Cuncti nunc assurgentes verbigenam collaudantes corde voce iam letemur nimpham Cristi deprecemur sonorose veneremur. 2. V. Rivus iam hic emanavit a quo quondam deviavit primus parens non advertens dyabolo consenciens Ewam suam per coniugem. 3. V. Iam hic rivus nos purgavit Christus sangwine mundavit suam per humanitatem factam quoque bonitatem vite per penalitatem. 4. V. Salvator iam illuxit mundi principem destruxit pastoribus dans gaudium declinans presepium corporis devincens stimulum. 5. V. Omnes simul plaudentes deum patrem venerantes qui nos nunc clarificavit filium condonavit ut absolvat facinora. 6. V. Salutemus hunc natum in altari nunc tractatum ymolatum per ministrum generis levitici quod non credunt scismatici. 7. V. Tota gens clericorum virginis collaudet chorum venustate predecorum nam virginale sigillum nullum habet scrupulum. 8. V. O mira humanitas quod virginalis castitas semper illesa extitit ex qua deus prodiit et terrigena institit. 9. V. Mons hic manet illesus de quo Christus lapis cesus nobis est condonatus pro nobis ymolatus agnus vere pacificus. 10. V. Sacra hec misteria nos perducat ad gaudia ubi pax et gloria ut clericorum cetus cum deo conregnet letus.