Iam prestolantes gloriam victoriam surgite clara

Iam prestolantes gloriam victoriam surgite clara dies illuxit atram noctem obstruxit et nebula propellitur et umbra terrestris. V. Nam mistice quem ceperit hunc peperit Maria celorum verum lumen en pneumatis per numen cui dixit Gabriel angelus celestis. R° Ave ave gracia plena dominus tecum concipies et paries verbum patris altissimi et verbum caro factum est nobiscum est et manet in eternum. 2. V. O virgo venerabilis laudabilis regina de stirpe David orta tu vera celi porta cunctis te laudantibus precibus precelsis. V. Trinitatis triclinium tu filium vestiti carne patri obediens paraclito consenciens huic sit laus et gloria per eterna secula. Amen